ریاست راجستھان کا تاریخی شہر جیسلمیر ان دنوں بالی ووڈ ستاروں کی پسندیدہ جگہ بنی ہوئی ہے، سال نو کے آغاز سے ہی یہاں بالی ووڈ کے معروف اداکار و ادا کاراؤں کی آمد کا سلسلہ زور و شور سے جاری ہے۔
اس ضمن میں آج بالی ووڈ کے معروف اداکار سیف علی خان کے ساتھ، ارجن کپور، یامی گوتم سمیت فلم 'بھوت پولیس' میں کام کر رہے سیکڑوں فنکار یہاں پہنچے۔
آپ کو بتادیں کہ ان دنوں جیسیلمیر میں فلم 'بھوت پولیس' کی شوٹنگ چل رہی ہے، 'بھوت پولیس' بالی ووڈ کی آنے والی مزاحیہ ہارر فلم ہے۔ جس کے ہدایتکار پون کرپلانی ہیں، فلم 'بھوت پولیس' میں جاوید جعفری اور جیکلین فرنانڈس بھی اہم رول ادا کر رہے ہیں۔
مزید پڑھیں: اداکار انیل کپور اپنی فلم کی شوٹنگ کے لیے پالی پہنچے
غور طلب ہے کہ' اکشے کمار کی آنے والی فلم'بچن پانڈے' سے جڑے کئی فنکار، جن میں ارشد وارثی، کریتی سینن سمیت کئی دیگر فنکار پہلے سے ہی جیسیلمیر میں ہیں۔ جیسیلمیر کے ہنومان چوراہے پر فلم کا پہلا سین بھی شوٹ کیا گیا ہے، تاہم فلم 'بچن پانڈے' کی شوٹنگ جیسیلمیر کے مختلف مقامات پر جاری ہے۔
