میڈیکل ڈیپارٹمنٹ سے موصولہ معلومات کے مطابق ریاست راجستھان کے ضلع جے پور کے سوئی مان سنگھ اسپتال کے تین مرد اور خواتین اسپتال سے ایک ڈاکٹر کی کورونا مثبت کی تصدیق کی گئی ہے۔ وہیں اب تک ریاست میں 100 سے زائد کورونا واریرز کورونا سے متأثر ہوچکے ہیں۔
ڈاکٹروں کے کورونا سے متأثر ہونے کے بعد رابطے میں آنے والے تمام افراد کی فہرست تیار کی جارہی ہے اور ان کے نمونے جانچ کے لیے بھجوائے جارہے ہیں۔
ریاست میں نہ صرف ڈاکٹر بلکہ پولیس اہلکار ، نرسنگ عملہ ، وارڈ بوائے صفائی ورکر وغیرہ بھی مثبت پائے گئے ہیں۔ تاہم 60 فیصد سے زیادہ کورونا واریرس صحت یاب بھی ہوچکے ہیں۔
سوئی مان سنگھ اسپتال میں کورونا وارڈ میں ڈیوٹی کرنے والے ڈاکٹروں کے لیے بھی قرنطین کا انتظام کیا گیا ہے تاکہ وہ ڈیوٹی کے بعد کسی دوسرے شخص سے رابطہ نہ کریں۔
گذشتہ روز سوئی مان سنگھ اسپتال میں ایک سیکیورٹی گارڈ بھی کورونا مثبت پایا گیا تھا، در حقیقت اچانک طبیعت خراب ہونے کی وجہ سے سیکیورٹی گارڈ ڈیوٹی کے دوران ہی گر پڑا اور جلدی میں اسپتال لے جایا گیا جہاں اس کی موت ہوگئی اور اس کا معائنہ کیا گیا تو وہ کرونا مثبت پایا گیا۔
