ریاست راجستھان کے ضلع اجمیر میں واقع خواجہ غریب نواز کی درگاہ پر بالی ووڈ فلمساز ایکتا کپور نے حاضری دیتے ہوئے چادر پیش کی۔ ایکتا کپور علی الصبح درگاہ پہنچیں اور خواجہ کے آستانہ پر مخملی چادر پیش کی اور اپنی آنے والی نئی فلم اور ٹی وی سیریلس کی کامیابی کے لئے دعا کی اور اپنی منت کا دھاگہ باندھا۔
ایکتا کپور
ایکتا کپور کو ان کے خادم نے زیارت کرائی بعد ازاں انہوں نے دستار بندی کر کے لوگوں میں تبرک تقسیم کیا۔
ایکتا کپور کو غریب نواز سے گہری عقیدت ہے اور وہ وقتا فوقتا درگاہ شریف آتی رہتی ہیں اور اپنی منت مانتی ہیں۔ ایکتا کپور اپنے نئے پروجکٹس کو لانچ کرنے سے قبل اسکی کامیابی کی دعا کے لئے غریب نواز کے استانہ پر حاضری دینے ضرور آتی ہیں اور کامیابی ملنے کے بعد دوبارہ یہاں غریب نواز کا شکریہ ادا کرنے آتی ہیں۔
