بابائے قوم کو خراج عقیدت

گاندھی جی کی برسی پر راجستھان میں مختلف پروگرامز منعقد کیے گئےاور ان کو خراج عقیدت پیش کی گئی۔

راجستھان کے دارالحکومت جے پور میں ریاستی سیکریٹریٹ میں وزیراعلیٰ اشوک گہلوت سمیت دیگر وزرا نے گاندھی جی کو خراج عقیدت پیش کی تو وہیں دوسری جانب گاندھی سرکل پر عوام اور سماجی تنظیموں کی جانب سے پروگرامز منعقد کیے گئے۔

ان پروگرامز میں کثیر تعداد میں عوام کے ساتھ طلباء اور خواتین نے حصہ لیا اور اپنے خیالات کا اظہار کیا، ایک پروگرام میں شامل لوگوں نے اپنے ہاتھوں میں گاندھی جی کی زندگی سے روبرو کرتی تختیاں لے رکھی تھیں۔

پروگرام کے آخر میں تمام لوگوں کی جانب سے ایک انسانی زنجیر بھی بنائی گئی، اس زنجیر میں تمام لوگ ایک دوسرے کا ہاتھ پکڑ کر یہ کہتے ہوئے نظر آئے 'ہم لوگوں کو ہندو مسلم میں تقسیم کرنے کی کوشش نہ کی جائے، وہیں ماحول کو دیکھتے ہوئے پولیس کے جوان بھی یہاں پر تعینات کیے گئے تھے۔

پروگرام کے بارے میں تفصیل سے معلومات دیتے ہوئے راجستھان شہری مورچہ کے جنرل سیکریٹری بسنت ہریانہ نے بتایا 'آج کے اس دن کے موقع پر تمام امن پسند لوگوں اور سیاستداں سمیت سماجی تنظیموں کی جانب سے گاندھی جی کو خراج عقیدت پیش کی جاتی ہے۔ اس لئے وہ یہاں پر گاندھی جی کو خراج عقیدت پیش کررہے ہیں۔

مہاتما گاندھی کو 30 جنوری سنہ 1948 میں نئی دہلی کے برلا ہاوس میں گولی مار کر ہلاک کر دیا تھا، ان کو مارنے والے کا نام ناتھو رام گوڈسے ہے، ناتھو رام گوڈسے ہندو مہاسبھا کے رہنما تھے اور بھارت کو ہندو راشٹر بنانا چاہتے تھے۔

دہلی کے برلا ہاوس میں مہاتما گاندھی کا ایک میموریئل بھی بنایا گیا ہے، جہاں لوگ انہیں خراج عقیدت پیش کرتے ہیں۔