مدھیہ پردیش کے دارالحکومت سے پکڑائے ہنی ٹریپ معاملے میں شامل مشتبہ افسران اور رہنماؤں کی جانچ اور تفتیش اب اسپیشل انویسٹی گیشن ٹیم کرے گی۔
اندور نگر نگم کے ایک افسر کی بلیک میلنگ کی شکایت پر اندور پولیس ہنی ٹریپ معاملے کا راز فاش کیا ہے جو اپنا شکار ہائی پروفائل لوگوں سے دوستی بنا کر ان کی فوٹو اور ویڈیو وائرل کرنے کی بلیک میلنگ کرتا تھا۔
ایس آئی ٹی بلیک میلنگ کرنے والے گروہ میں شامل ملزم کے ساتھ فحش ویڈیو اور فوٹو میں دکھائی دینے والے مشتبہ افسران اور رہنماوں کی تفتیش شروع کر دی ہے
ایس آئی ٹی کے ڈی جے کاؤنٹر انٹیلی جنٹس سنجو شامی معاملے کی تفتیش کے لیے اندور میں ہی سکونت اختیار کر لی ہے۔
سنجو شمی پولیس تھانے پہنچ کر اب تک کی جانچ اور ویڈیو فوٹو میں دکھائی دینے والے افسر اور رہنماؤں کہ ملزموں کے رشتوں کے بارے میں جانکاری حاصل کررہے ہیں۔
ایس آئی ٹی ہنی ٹریپ معاملے میں پولیس افسر اور لیڈران کس طرح سے ملزموں کو فائدہ پہنچاتے تھے اس کی بھی تفتیش کرے گی ملزم کس طرح سے تبادلے کروانا، پرائیویٹ کمپنیوں کو ٹھیکے دلوانہ، سرکاری دفتروں میں ملازمت دلوانے کے لیے افسر اور رہنماؤں کے تعلقات کا فائدہ اٹھاتے تھے سب کی تفتیش کرے گی۔
مشتبہ افسران اور رہنماؤں کو جب پتہ چلا کہ کی ہنی ٹریپ معاملے کی تفتیش ایس آئی ٹی کرے گی تو ان لوگوں میں بے چینی پیدا ہوگئی کیونکہ ان کے فحش ویڈیوز اور تصاویر ملزموں کے ساتھ ہیں جس کے ذریعہ ان کی بلیک میلنگ کی جارہی تھی۔
ایس آئی ٹی نے ہنی ٹریپ کے لیے ایک ویب سائٹ بھی جاری کی ہے۔
