ٹرین سے گرنے سے خاتون ہلاک

ہاتھ دھونے واش بیسن کے قریب پہنچی خاتون کا پیر پھسل گیا اور وہ ٹرین سے نیچے گر گئی۔

تلنگانہ میں ٹرین سے گرنے کے نتیجہ میں ایک خاتون کی موت ہوگئی ہے۔ یہ واقعہ ہفتہ کی صبح تلنگانہ کے ضلع کھمم کے بوناکلو زون میں واقع ریلوے اسٹیشن کے قریب پیش آیا۔

ہلاک خاتون کی شناخت 49 سالہ للت کماری کے طور پر کی گئی ہے جس کا تعلق اے پی کے تنالی سے ہے۔

وہ اپنی بیٹی کے ساتھ سکندرآباد جانے کے لئے گولکنڈہ ایکسپریس ٹرین میں سوار ہوئی۔ تاہم بیارم گاؤں کے قریب موتامری ریلوے اسٹیشن کے قریب وہ ہاتھ دھونے کے لئے ٹرین کے دروازے کے قریب پہنچی جہاں اتفاقی طور پر پیر پھسل جانے کی وجہ سے وہ ٹرین سے گرگئی جس کے نتیجہ میں اس کی موت ہوگئی۔ اس کی لاش کو پوسٹ مارٹم کے لئے مدھیرا سرکاری اسپتال منتقل کیا گیا۔