تلنگانہ صدر پردیش کانگریس اتم کمار ریڈی کی اہلیہ پدماوتی اسمبلی حلقہ حضور نگر کے ضمنی انتخاب کے لیےکانگریس کی امیدوار ہیں۔
کانگریس ہائی کمان نے اس سلسلہ میں ایک لیٹر جاری کرتے ہوئے حلقہ حضور نگر کے امیدوار کے طور پر پدماوتی کو ٹکٹ دینے اعلان کیا۔
واضح رہے2018 کے تلنگانہ اسمبلی انتخابات میں مذکورہ حلقہ سے اتم کمار ریڈی کامیاب ہوئے تھے، جس کے بعد 2019 کے لوک سبھا الکشن میں انھوں نے حصہ لیا اور نلگنڈہ کے رکن پارلیمان منتخب ہوئے۔
اس کے بعد وہ اسمبلی کی رکنیت سے مستعفی ہوگئے۔ حلقہ حضور نگر سے ٹکٹ حاصل کرنے تلنگانہ کانگریس کے متعدد رہنماوں نے کوششیں کیں، تاہم ہائی کمان نے اتم کمار ریڈی کی اہلیہ کو ٹکٹ دینے کا فیصلہ کیا، پدماوتی بھی سابقہ میں رکن اسمبلی رہ چکی ہیں۔
