ریاست کرناٹک کے گلبرگہ ضلع گنجلکر دیہات کےہائی اسکول میں دسویں جماعت کےطلبہ کو میتھامیٹکس کا مضمون نہیں پڑھائے جانے پر احتجاج کیا گیا۔
سنویدھان رکشنا ویکے تنظیم نے طلبا کے ساتھ احتجاج کیا۔ تنظیم کے ذمہ داران نے کہا کہ گلبرگہ ضلع کے گنجلکر دیہات کے سرکاری ہائی اسکول میں دسویں جماعت کے طلبا کو اساتذہ نے میتھامیٹکس کے مضمون کے ساتھ دوسرے مضامین کی تعلیم نہیں دی۔
ضلع کمشنر آفس کے سامنے یہ احتجاج کیا گیا۔ اس موقع پر سنویدھان رکشنا ویکے کے رکن راہل سینگے نے کہا کہ دسویں جماعت کے امتحانات شروع ہونے میں صرف دس سے پندرہ دن باقی ہے مگر گلبرگہ ضلع کے گنجلکر دیہات کے سرکاری ہائی اسکول کے دسویں جماعت کے طلبا تعلیم نہیں ہونے کی وجہ سے امتحان سے گھبرارہے ہیں۔
مذکورہ تنظیم کے ارکان نے کہا کہ اس ضمن مں کئی بار اسکول کے ایچ ایم اور یہاں کے تعلیمی افسر کو مطلع کرنے کے باوجود بھی طلبا کو راحت دینے کا کوئی اقدام نہیں کیا گیا۔ اس موقع پر انہوں نے کہا کہ اگر طلبا دسویں جماعت کے امتحان میں ناکام ہوتے ہیں اس کے ذمہ دار محکمہ تعلیم اور اساتذہ ہوں گے۔
