خواتین اور لڑکیوں کے تحفظ کے لئے سیفٹی کلب

بھارت کی جنوبی ریاست تلنگانہ کے شہر سکندرآباد میں واقع ایس وی آئی ٹی کالج میں خواتین اور لڑکیوں کے لیے سیفٹی کلب کا افتتاح عمل میں آیا۔

آئی جی پولیس سواتی لکھرا نے مذکورہ کلب کا افتتاح کیا۔
اس موقع پر آئی جی پولیس سواتی لکھرا نے کہا کہ 'خواتین کے لیے سیفٹی کلبز نہ صرف حیدرآباد بلکہ ریاست بھر میں قائم کیے جائیں گے۔ ہر کلاس سے دو ارکان کو منتخب کرتے ہوئے 45 افراد کو اس میں شامل کیا جائے گا۔ اس طرح ریاست بھر میں یہ کلبز بنائیں جائیں گے۔'

سکندرآباد میں منعقد ہوئے اس پروگرام میں برطانیہ کے ڈپٹی ہائی کمشنر اینڈرو فلیمنگ بھی موجود تھے۔واضح رہے کہ خواتین اور لڑکیوں کے ساتھ چھیڑ خوانی کے واقعات پر قابو پانے کے لئے تلنگانہ میں شی ٹیمز کا قیام عمل میں لایا گیا۔تلنگانہ حکومت نے شی ٹیمز کو 24 اکتوبر، 2014 کو متعارف کیا جس کا مقصد معاشرے میں خواتین کو تحفظ فراہم کرنے، خواتین کو نقل و حمل کے لئے صحت مند ماحول فراہم کرنے کے علاوہ ان میں اعتماد کو بڑھانا ہے۔ شی ٹیمز کی نگرانی میں اسٹاکرز کی شناخت کی جاتی ہے اور انہیں سی سی ایس تھانے لایا جاتا ہے۔پولیس اسٹیشن میں اسٹاکر فیملی ممبرز کے ساتھ مشاورت کی جاتی ہے۔پولیس نے پبلک ٹرانسپورٹ ڈرائیورز اور کنڈکٹرز ، ایم ایم ٹی ایس ٹرینز سے اپیل ہے کہ وہ خواتین کو چھیڑنے والی اطلاعات پر 100 نمبر پر کریں اور قریبی پولیس اسٹیشن تک گاڑی لے جائیں۔اور اب سیفٹی کلب کی یہ پہل ریاست میں شروع کی گئی ہے، آئی جی پولیس سواتی لکھرا خواتین کے تحفظ کے لیے اقدامات کے لیے جانی جاتی ہیں۔