ریاست تلنگانہ میں کانگریس پارٹی کے مسلم قائدین نے شہریت ترمیمی قانون کے خلاف مقدمہ دائر کرنے کی تیاری کررہے ہیں۔
اطلاع کے مطابق قائدین نے پارٹی سے بالاتر ذاتی طور پر اس کاروائی کو انجام دینے کا اعلان کیا ہے۔
کانگریسی رہنما نظام الدین نے اس ضمن میں تفصیلات بتاتے ہوئے کہا کہ ملک کے آئین کے خلاف عوام میں تفریق پیدا کرنے والے اس قانون کو ہم نے سپریم کورٹ میں چیلینج کرنے کا فیصلہ کیا ہے۔
انہوں نے بتایا کہ ہماری کوشش ہے کہ شہر حیدرآباد سے کم سے کم پانچ درخواستیں داخل کی جائیں اور 5 جنوری تک ہم یہ درخواستیں سپریم کورٹ میں داخل کریں گے۔
نظام الدین نےبتایا کہ اس سلسلے میں عوام کو قانونی امداد فراہم کرنے کے کا اعلان کیا جائے گا اور دستور ہند کو بچانے کے لئے ہم نے شہر میں مخلتف سنٹرز قائم کئے ہیں عوام ان مقامات پر اپنا آدھار کارڈ لے جاکر محض وکالت نامہ پر دستخط کرکےمقدمہ دائر کر سکتے ہیں۔
مزید پڑھیں: سال 2019: ایک انوکھا سینسرشپ
قائد سمیر ولی اللہ نے بتایا کہ اس سلسلے میں وکلاء کی خدمات حاصل کی گئی ہیں اور عوام پر عائد ہونے والے اخراجات بھی ان کی ٹیم ادا کرے گی، سمیر ولی اللہ نے عوام سے درخواست کی کہ وہ دستور کو بچانے کیلئے آگے آئیں اور جمہوریت کو بچانے میں اپنا کردار ادا کریں۔
