سی اے اے کے خلاف حیدرآباد میں تاجروں کااحتجاج

شہریت ترمیمی قانون، این آرسی اوراین پی آر کے خلاف شہرحیدرآباد کے تاجروں نے انوکھا احتجاج درج کرایا ہے، شہر کے بیشترعلاقے کے تاجروں نے اپنے دکانوں کی روشنی گل کرکے یہ احتجاج کیا۔ دکانداروں نے مرکزی حکومت سے اس قانون کو واپس لینے کا مطالبہ کیا ہے۔

شہریت ترمیمی قانون، این آر سی اور این پی آر کے خلاف شہرحیدرآباد میں انوکھا احتجاج کیا گیا جس کو بلیک آوٹ احتجاج کا نام دیاگیا۔

پرانے شہر حیدرآباد کے اہم تجارتی مرکز محبوب چوک میں تاجروں نے شام کے وقت اپنے اپنے دکانوں کی روشنی بند کرتے ہوئے اس قانون کے خلاف انوکھا احتجاج کیا اور مرکزی حکومت سے اس قانون کو واپس لیے جانے کا مطالبہ کیا۔

واضح رہے کہ شہر کے مختلف علاقوں میں جیسے چھتہ بازار،کالا پتھر اور دیگر علاقوں میں بھی اسی طرح کے احتجاج قبل ازیں کئے جاچکے ہیں۔