آتماکور ایس منڈل کے پاترلہ پہاڑ کے رہنے والے سریش یادو دیہات میں جاترا میں شرکت کے بعد واپس ہورہے تھے کہ مندر کے قریب ان پر نامعلوم افراد نے یہ حملہ کیا۔ ساتھ ہی ان کے بھائی اور بعض مقامی افراد پر بھی یہ حملہ کیا گیا۔ زخمی سریش اور مہیش کو علاج کے لئے فوری طور پر سوریہ پیٹ کے سرکاری اسپتال منتقل کیا گیا، جہاں سے ان کو پرائیویٹ اسپتال لے جایا گیا۔
یہ بھی پڑھیں:الہ آباد ہائی کورٹ نے مذہب تبدیلی آرڈیننس کو چیلنج کرنے والی تمام درخواستیں مسترد کی
سریش نے حال ہی میں حضورآباد پہنچ کر سابق وزیر ای راجندر جنہوں نے بی جے پی میں شمولیت اختیار کی تھی سے ملاقات کرتے ہوئے یگانگت کا اظہار کیا تھا۔ انہوں نے یقین دہانی کروائی تھی کہ عثمانیہ یونیورسٹی کے طلبہ کی حمایت ان کو حاصل ہے۔ انہوں نے وعدہ کیا تھا کہ وہ ای راجندر کی طرف سے انتخابی مہم چلائیں گے۔ اس واقعہ کے اندرون دو دن سریش پر حملہ کیا گیا۔
