یہ ساڑیاں تلنگانہ کے ضلع سرسلہ میں 313کروڑ روپئے کے صرفہ سے بنائی گئی ہیں۔ہر ساڑی کی قیمت 300روپئے ہے اور یہ صد فیصد پالسٹر سے بنائی گئی ہے۔اس میں زری کا کام بھی کیاگیا ہے۔یہ ساڑیاں دس مختلف قسم کے شیڈس، دس ڈیزائنس اور دس مختلف رنگوں میں دستیاب ہے۔
سرسلہ کے بنکروں کے ذریعہ یہ ساڑیاں تیار کروائی گئی ہیں جن کو ان ساڑیوں کی تیاری کے ذریعہ مدد مل رہی ہے۔اس کے ذریعہ تقریبا 16,000بنکروں کو روزگار کےمواقع فراہم کئے جارہے ہیں اور پریشان حال بنکر طبقہ کی آمدنی کی سطح میں بھی اضافہ ہوگیا ہے۔ان کی آمدنی جو پہلے ماہانہ 8000تا12000روپئے تھی اب بڑھ کر تقریبا 16000تا20000روپئے ہوگئی ہے۔
عہدیداروں کے مطابق 2017میں تقریبا 95لاکھ ساڑیوں کی تقسیم کی گئی تھی جبکہ 2018میں 96.70لاکھ ساڑیوں کی تقسیم کا کام کیاگیا تھا۔
بتکماں تہوار پورے تلنگانہ او ر آندھراپردیش کے کچھ علاقوں میں نو دن تک منایا جاتا ہے،یہ تہوار خواتین کے احترام میں منایا جاتا ہے۔
