وفد نے کے سی آر کو سیکریٹریٹ کی انہدام شدہ دو مساجد کو اسی مقام پر تعمیر کرنے کا مطالبہ کیا۔ آل انڈیا مسلم پرسنل لاء بورڈ کے وفد کے بقول وزیر اعلی کے سی آر نے سیکریٹریٹ کی منہدم شدہ مسجد کو اسی مقام پر تعمیر کرنے کا یقین دلاتے ہوئے اکتوبر میں ہی ان کا سنگ بنیاد رکھنے کا تیقن دیا۔
سیکریٹری مسلم پرسنل لاء بورڈ مولانا خالد سیف اللہ رحمانی نے وزیر اعلی سے گفتگو کی تفصیلات سے واقف کروایا اور بتایا کہ ان مساجد کی تعمیر کے علاوہ مساجد کے درمیان خالی جگہ پر مسجد انتظامیہ کے لیے کوارٹر بھی تعمیر کیے جائیں گے اور اس کا نئے سرے سے وقف ریکارڈ میں اندراج کیا جائے گا۔ مولانا نے وزیر اعلی کے اس اقدام کی ستائش کی۔
بیریسٹر اویسی نےاس موقع پر بتایا کہ ان مساجد کے علاوہ وزیر اعلی سے محبوب نگر ضلع کے نارائن پیٹ کا م ہوم شدہ عاشور خانہ اور عنبر پیٹ کی ایک خانہ مسجد و عاشور خانہ سمیت گچی باؤلی علاقے میں چھ برس قبل اعلاکردہ اسلامک سنٹر کا وعدہ بھی بہت جلد پورا کیا جائے گا۔ طویل عرصے سے زیر التواء انیس الغرباء کی تیز رفتار تعمیر کو بھی جلد مکنل کرنے کا وزیر اعلی نے یقین دلایا۔
علاوہ از ایں شہر کے گرد و نواح میں مسلمانوں کے قبرستان کیلئے سو ایکڑ اراضی کی نشاندہی کیلئے حکام کو ہدایت دی۔ اسد اویسی نے مساجد کی تعمیر و اقلیتوں دیگر امور حکومت کے تیقنات کی ستائش کی اور تلنگانہ کے مسلمانوں کو یقین دلایا کہ سیکریٹیریٹ میں دو مساجد ایک مندر اور گرجا کی تعمیر کرکے حکومت تلنگانہ کی گنگا جمبی تہذیب برقرار رکھے گی۔
