کئی مقامات پر سماجی فاصلہ کو نظر انداز کیاجارہا ہے، لاک ڈاون کے پیش نظر وزیراعلی کے چندرشیکھرراو نے اس رقم کو بینکس کے کھاتوں میں پہنچانے کا اعلان کیا تھا جس کے مطابق دو دن پہلے یہ رقم کھاتوں میں جمع کروائی گئی، اس رقم کو پانے کے لئے لوگ بڑی تعداد میں بینکس کے باہر دیکھے جارہے ہیں۔
بینکس کے انتظامیہ نے اس رقم کو حاصل کرنے کے لئے آنے والے کھاتہ داروں کو ہدایت دی ہے کہ وہ اپنی تصویر اور آدھار کارڈ لازمی طورپر لائیں، بعض بینکس میں کھاتہ داروں کو ٹوکنس دیئے جارہے ہیں۔
ان قطاروں میں خواتین کی بڑی تعداد دیکھی جارہی ہے جو چلچلاتی دھوپ کی پرواہ کئے بغیر قطاروں میں اس رقم کو حاصل کرنے کے لئے ٹہررہی ہیں کیونکہ لاک ڈاون کے سبب زیادہ ترخاندانوں اور بالخصوص یومیہ اجرت پر کام کرنے والوں کو شدیدترین مشکلات کا سامنا کرناپڑ رہا ہے۔
