امریکہ میں سڑک حادثے میں خاتون ہلاک

امریکہ میں سڑک حادثے میں ہلاک خاتون چریتا ریڈی کی لاش حیدرآباد لائی گئی ہے۔

امریکہ میں سڑک حادثے میں ہلاک تلنگانہ کی خاتون چریتا ریڈی کی لاش آج صبح حیدرآباد لائی گئی۔ ان کی لاش نریڈ میٹ کے رینوکا نگر میں واقع ان کے مکان منتقل کردی گئی۔

ان کے والدین نے کہا کہ 'رکن اسمبلی ایم ہنمنت راؤ نے ایئرپورٹ سے لاش کو ان کے مکان منتقل کرنے کے سلسلہ میں تمام انتظامات کئے۔ 25 سالہ چریتا، امریکہ کی ایک سافٹ ویئر کمپنی میں کام کرتی تھیں۔ 27 دسمبر کو مسگاوں کے مرسی ہیلت ہیکلے کیمپس میں پیش آئے سڑک حادثے میں وہ ہلاک ہوگئیں۔ بعد ازاں اس کے کچھ اعضا ان افراد کو دے دیئے گئے جن کو ان کی ضرورت تھی۔