ملک کی جنوبی ریاست تلنگانہ کے شہر حیدرآباد میں ہر برس لگنے والی آل انڈیا انڈسٹریل نمائش کو کورونا وائرس کے پیش نظر منسوخ کردیا ہے۔
واضح رہے کہ اس نمائش کا آغاز ہر برس یکم جنوری سے ہوتا تھا اور 15 فروری تک اپنے آب و تاب سے جاری رہتی تھی۔
حالانکہ ایسی قیاس آرائیاں کی جارہی تھیں کہ مارچ میں نمائش لگنے کے امکانات ہیں لیکن نمائش سوسائٹی نے کورونا کی صورت حال کو دیکھتے ہوئے رواں نمائش کو منسوخ کردیا ہے۔
اس نمائش میں بیرونی ریاست سے تعلق رکھنے والے تاجر اپنا سٹال لگاتے تھے جس میں جموں و کشمیر اور راجستھان کے تاجرین زیادہ ہوتے تھے۔
یہ تاجر جنوری سے نمائش کے افتتاح کے انتظار میں تھے۔
یاد رہے کہ اس نمائش کا آغاز پہلی بار حیدرآباد کے نظام اور آخری فرماں روا نواب میر عثمان علی خاں بہادر نے کیا تھا۔
