تلنگانہ ہائی کورٹ نے ریاستی حکومت کو ہدایت دی ہے کہ وہ کورونا کے بڑھتے ہوئے معاملات کے پیش نظر آرٹی پی سی آر RTPCR معائنوں کی تعداد میں اضافہ کرے۔ریاست میں کورونا کی صورتحال پر آج عدالت نے سماعت کی اور ریاستی حکومت کو ہدایت دی کہ روزانہ ریاست میں ایک لاکھ آرٹی پی سی آرمعائنے کئے جائیں۔
آرٹی پی سی آرRTPCR ،ریپڈ Rapidمعائنے کی تفصیلات کو عدالت میں پیش کرنے کی ہدایت دی گئی۔عدالت نے زوردیتے ہوئے کہا کہ سماجی فاصلہ،ماسک کے قواعد پر لازمی طورپر عمل کیاجائے۔
کورونا وبا کی روک تھام کے لئے مزید چوکسی اختیار کرنے کی بھی عدالت نے ہدایت دی۔اس موقع پر ایڈوکیٹ جنرل نے عدالت کو بتایا کہ کورونا وبا کی روک تھام کے سلسلہ میں آج وزیراعلی کے چندرشیکھرراو کی زیرصدارت کابینہ کا اجلاس ہونے والا ہے جس میں اس مسئلہ پر تبادلہ خیال کیاجائے گا۔
عدالت نے اس خصوص میں تفصیلی رپورٹ پیش کرنے کی ہدایت دی اور اس معاملہ کی آئندہ سماعت 25 جنوری تک ملتوی کردی۔
یواین آئی وخ
