تلنگانہ کے وزیر اعلیٰ کے چندر شیکھر راؤ نے ایک اعلیٰ سطحی میٹنگ کے بعد صحافیوں سےبات کرتے ہوئے کہا کہ 48 ہزار ملازمین کو نوکری سے برخاست نہیں کیا گیا ہے بلکہ انھوں نے خود نوکری چھوڑ دی ہے، کیونکہ انھیں کام سے رجوع ہونے کا وقت دیا گیا تھا۔
وزیر اعلی نے کہا کہ آر ٹی سی میں موجود10,400بسز کو تین حصوں میں تقسیم کیا جائے گا، جس میں نصف یعنی5,200 بسز آر ٹی سی کی ہوں گیں۔
نصف میں سے30 فیصد یعنی 3100 بسز کرایہ پر لی جائیں گی جو آر ٹی سی کے زیر تحت چلائی جائیں گی۔
اور باقی 20 فیصد یعنی 2100 بسز مکمل پرائیویٹ ہوں گی، یہ بسزحیدرآباد اضلاع اور دیہاتوں میں چلائی جائیں گی۔
وزیر اعلی کے چندر شیکھر راؤ نے کہا کرایہ میں اضافہ اگر آر ٹی سی کرتی ہے تب پرائویٹ بسز بھی اضافہ کرسکتی ہیں، بس پاسز بھی حسب سابق کی طرح طلبا، معذور افراد، مجاہدین آزادی،صحافیوں اور پولیس شہدا کے افراد خاندان کو فراہم کیے جائیں گے۔
اس موقع پر وزیر اعلی نے معطل شدہ ملازمین کے کسی بھی غلط رویہ پر سخت کاروائی کی ہدایت دی۔
