تلنگانہ میں ماؤنوازوں کے خلاف آپریشن جاری رکھتے ہوئے پولیس نے ضلع کومرم بھیم آصف آباد کے جنگلاتی علاقوں میں تلاشی مہم جاری رکھی ہے۔
پولیس کے ساتھ حال ہی میں ہوئے انکاونٹر میں دو ماونواز ہلاک ہوئے تھے جبکہ گزشتہ روز بھی ایک ماونواز انکاونٹر میں ہلاک ہوا تھا۔
پولیس کی جانب سے ماونوازوں کی نقل وحرکت کا پتہ چلانے کے لئے ڈرون کیمروں کا استعمال کیا جا رہا ہے۔
اس آپریشن میں پولیس کے اعلیٰ عہدیدار حصہ لے رہے ہیں۔ دریاوں کے طاس علاقوں اور گھنے جنگلات میں ان نکسلائٹس کا پتہ چلانے کے لئے عصری ڈرون کیمروں کا استعمال کیا جا رہا ہے۔ پولیس کے بھاری دستے مختلف علاقوں میں تعینات کئے گئے ہیں۔
