مرکزی حکومت کی جانب سے بجلی کی نئی پالیسی میں نئے طریقہ کار، پٹرول اور ڈیزل کی قیمتوں میں اضافہ کے خلاف سی پی آئی کی جانب سے حیدرآباد میں چلو راج بھون احتجاج کیا گیا۔
سی پی آئی کے دفتر سے راج بھون تک ریلی کی شکل میں روانہ ہونے کی کوشش پر پولیس نے سی پی آئی کے کارکنوں کو روک دیا اور پارٹی کے ریاستی سکریٹری چاڈاوینکٹ ریڈی سمیت پارٹی کے کئی رہنماؤں و کارکنوں کو گرفتار کیا گیا ہے۔
اس موقع پر میڈیا سے بات کرتے ہوئے مسٹر وینکٹ ریڈی نے کہا کہ تیل کی کمپنیوں کے ہاتھوں کی کھلونہ بن گئی ہے۔ انہوں نے نظرثانی شدہ قیمتوں کو فوری واپس لینے کامطالبہ کیا۔
