بھارت کی جنوبی ریاست تلنگانہ میں بڑھتے کورونا کے معاملات اور چوکس رہنے کے لیے محکمہ صحت نے ریاست کی عوام کو مشورہ دیا ہے۔
تلنگانہ کے محکمہ صحت نے عوام کو مشورہ دیا ہے کہ وہ چوکس رہیں کیونکہ مہاراشٹر سے آنے والے افراد کی وجہ سے ریاست میں کووڈ-19 کے معاملات میں اضافہ ہورہا ہے۔
واضح رہے کہ تلنگانہ کی مہاراشٹر کے ساتھ ایک لمبی سرحد ہے اور تلنگانہ کے کئی بنکر ممبئی، بھیونڈی اور سورت میں کام کرتے ہیں، اسی وجہ سے ریاست مہاراشٹر سے آنے والے افراد کی وجہ سے کووڈ-19 کے معاملات میں اضافہ ہوا ہے۔
محکمہ نے بتایا کہ پریشانی کی کوئی بات نہیں ہے تاہم محکمہ صحت کے عہدیداروں نے عوام کو مشورہ دیا ہے کہ وہ چوکس رہیں اور حکومت کی طرف سے جاری کردہ ہدایات پر عمل کریں تاکہ اس وبا پر قابو پایا جاسکے۔
یو این آئی
