دھرنا چوک پر منعقدہ اس جلسے میں کانگریس نے اس سی، ایس ٹی اور او بی سی طبقات کے تحفظات کے لئے تمام پسماندہ طبقات کا ساتھ دینے کو کہا۔ کانگریس نے یہ بھی کہا کہ تحفظات کیلئے کانگریس لڑتی رہے گی۔
آل انڈیا کانگریس کمیٹی کے تلنگانہ انچارج آر سی کنتیا نے کہا کہ کانگریس نے ملک کو ستر برس میں جو کچھ دیا بی جے پی حکومت وہ سب چھین رہی ہے، یہاں تک کہ پسماندہ طبقات کو آئین کے فراہم کردہ حقوق بھی چھینے جارہے ہیں۔
کانگریس رہنما ایم شش دھر ریڈی نے ای ٹی وی بھارت سے بات کرتے ہوئے کہا کہ بی جے پی مسلسل ملک کے دستوری ڈھانچے کو پامال کر رہی ہے۔ متنازعہ قوانین کے بعد مخالف ریزرویشن پالیسی نہایت خطرناک ہے جس کے خلاف ملک کے عوام کو آواز اٹھانی چاہیے۔
پردیش کانگریس کمیٹی کے صدر اتم کمار ریڈی نے سپریم کورٹ کے ایس سی، ایس ٹی تحفظات کے متعلق فیصلے پر رد عمل کا اظہار کیا اور کہا کہ تمام پسماندہ طبقات کو ریزرویشن فراہم ہونا چاہیے۔
