ہری دوار کے ہرکی پوڈی کی گنگا آرتی میں عقیدتمندوں کے شامل ہونے پر پابندی عائد کر دی گئی ہے۔ ریاستی حکومت نے کورونا وائرس کے پھیلنے سے بچنے کے لئے متعدد اہم اقدامات اٹھائے ہیں۔ اس کے ساتھ ہی ریاست کی خاص مندروں اور عوامی مقامات کو 31 مارچ تک بند کردیا گیا ہے۔
اس کے تحت ہری دوار ضلع انظامیہ نے ہرکی پوڈی میں ہونے والی گنگا کی آرتی میں عقیدتمندوں کے شامل ہونے پر پابندی عائد کر دی ہے۔ عقیدت مندوں کی سہولیات کے لئے گنگا آرتی کا براہ راست نشر ہو گا۔
گنگا تنظیم کے عہدیدار تنمئے وششٹھ نے کہا کہ گنگا آرتی کے دوران ہرکی پوڈی پر عقیدت مندوں کے داخلے پر پابندی ہوگی۔ گنگا آرتی کا براہ راست نشر یوٹیوب اور فیس بک پر کیا جائے گا۔
تنمئے وششٹھ نے کہا کہ انتظامیہ نے یہ اقدام صرف لوگوں کی حفاظت کے لئے اٹھایا ہے۔ انہوں نے بتایا کہ کورونا وائرس عالمی تباہی ہے۔ اس وائرس کی وجہ سے پوری دنیا میں ہزاروں افراد جاں بحق ہوئے ہیں۔ واضح ہو کہ کورونا وائرس کے پیش نظر پورے ملک میں عقیدت مندوں پر متعدد مندروں کی زیارت پر پابندی عائد کردی گئی ہے۔
