ریاست اتراکھنڈ کے ضلع ہری دوار کے میں مخدوم علاؤالدین احمد صابرؒ کا 752واں عرس منایا جا رہا ہے، لیکن اس برس کووڈ-19 کی وجہ سے ملک اور بیرون ملک سے زائرین کی شرکت نہایت ہی کم درج کی گئی ہے۔
زائرین میں کمی کی وجہ سے عرس میں لگنے والی درجنوں دکانوں کے مالکوں کے چہروں پر مایوسی طاری ہے، ای ٹی وی بھارت سے بات کرتے ہوئے دوکانداروں نے بتایا کہ ہماری زندگی میں یہ پہلا موقع ہے جب عرس کے دوران دوکانداری صرف نصف کے برابر ہے،
ایک دوکاندار نے کہا کہ ہماری یہ دوکان تقریبا تیس سالوں سے لگ رہی ہے، لیکن بازاروں میں اس طرح کی خاموشی پہلے کبھی نہیں دیکھی، اس سال دوکانوں کا خرچہ بھی صحیح سے نہیں نکل پا رہا ہے۔
کورونا وائرس کی وجہ سے عرس سے پہلے قیاس لگائے جا رہے تھِے کہ عرس کو منائے جانے کے لیے مکمل اجازت مل جائے گی، لیکن پوری طرح سے اجازت نہ مل پائے جانے کی وجہ سے زائرین درگاہ پر نہیں آسکے۔
