ہلدوانی: سڑک حادثے میں چیتا ہلاک

ریاست اتراکھنڈ کے ہلدوانی میں اس حادثے کے بعد کار ڈرائیور کے خلاف مقدمہ درج کر لیا گیا ہے۔

ریاست اتراکھنڈ کے ہلدوانی حلقہ میں واقع فتح پور میں تیز رفتار کار کی ٹکر سے ایک چیتا ہلاک ہوگیا جس کی لاش برآمد کر محکمہ جنگلات کے عہدیداروں نے تصادم کرنے والے کار سوار کے خلاف مقدمہ درج کر گاڑی کو قبضے میں لے لیا ہے۔

محکمہ جنگلات کے عہدیداروں کے مطابق چیتا کی عمر تقریباً 12 سال تھی اور یہ حادثہ بھاکڑا پل فتح پور رینج کے قریب پیش آیا جہاں ایک تیز رفتار انووا کار نے چیتا کو ٹکر مار دی۔ چیتا کا وزن 180 کلوگرام بتایا جا رہا ہے۔ فی الحال محکمہ جنگلات نے ملزم کے خلاف مقدمہ درج کر لیا ہے اور پوسٹ مارٹم کے بعد چیتا کی لاش جلا دی گئی ہے۔