ریاست اروناچل پردیش کے ہیلتھ سروسز ڈائریکٹوریٹ کی طرف سے جاری ایک بلیٹن کے مطابق گذشتہ 24 گھنٹوں کے دوران 112 نئے کیسز سامنے آئے ہیں، جس سے متاثرین کی تعداد بڑھ کر 3745 ہو گئی ہے۔
بلیٹن کے مطابق 112 نئے کیسز ایٹا نگر کیپیٹل کمپلیکس سے 23 ، پاپومے پارے سے 18 ، سیانگ سے 17 ، مغربی کامینگ اور لوئر سیانگ سے 10-10 ، ایسٹ سیانگ سے آٹھ ، تاوانگ اور مشرقی کامنگ سے پانچ پانچ ، چانگ لونگ سے چار ، انجا اور ویسٹ سیانگ سے تین تین ، ترپ ، لیپردا اور پاکسے کیسنگ سے دو دو کیسز سامنے آئے ہیں۔
نئے کیسز میں پانچ کو چھوڑ کر بقیہ سبھی کیسز میں کورونا کی علامات نہیں ہیں۔ بلیٹن کے مطابق گذشتہ 24 گھنٹوں کے دوران کورونا کے 88 مریض صحت یاب ہوئے ہیں ، جس سے صحت یاب ہوئے مریضوں کی مجموعی تعداد 2709 ہوگئی۔
واضح رہے کہ کورونا کیسز کے معاملے میں امریکہ پہلے، برازیل دوسرے اور بھارت تیسرے نمبر پر پہنچ چکا ہے۔ بھارت میں متاثرین کی مجموعی تعداد 34 لاکھ 63 ہزار 972 ہو چکی ہے۔ 62 ہزار 550 افراد ہلاک ہوئے ہیں۔
بھارت میں سب سے زیادہ 7 لاکھ 47 ہزار 995 کیسز کے ساتھ مہاراشٹر پہلے نمبر پر ہے۔ یہاں اب تک 23 ہزار 775 افراد ہلاک ہو چکے ہیں۔ دوسرے نمبر پر تمل ناڈو اور تیسرے نمبر پر آندھر پردیش ہے جبکہ فی الحال سکم میں سب سے کم 1576 کیسز کی تصدیق ہوئی، اور یہاں 3 ہلاکتیں ہوئی ہیں۔
