'اپوزیشن میں ہوں یا حکمراں جماعت میں، کام کرنے کا جذبہ ہونا چاہیے'

ریاست ہریانہ کے فیروزپورجھرکا اسمبلی حلقہ سے رکن اسمبلی مامون خان انجنیئر کا کہنا ہے کہ اپوزیشن میں ہو کر بھی کام کیا جا سکتا ہے اپوزیشن میں ہونے سے کام میں رکاوٹ نہیں پیدا ہوتی،اگر ایک رہنما کی نیت علاقہ میں کام کرنے کی ہے تو وہ یقینا کر سکتا ہے۔

در اصل رکن اسمبلی عموماً اقتدار میں نہ ہونے اور اپوزیشن میں ہونے کا بہانہ کرتے ہیں۔ اور ان کا کہنا ہوتا ہے کہ اپوزیشن میں ہونے کی وجہ سے انہیں ترقیاتی کاموں کے لیے وقت پر فنڈز مہیا نہیں ہوپاتا جس کے باعث وہ ترقیاتی کاموں کو نہیں کرا پاتے۔

ان خیالات کا اظہار رکن اسمبلی مامون خان انجنیئر نے دھنیواد دورے کے دوران کیا۔

انہوں نے حلقہ اسمبلی کے مہو جلال پور،کھان پور ،کھیڑی،گوہانہ،عومرا،دانی باس،ریٹھٹ سمیت درجن بھر مختلف گاؤں کا دورا کیا۔ اور انہوں نے لوگوں کا شکریہ ادا کیا کہ عوام نے انہیں انہیں کامیاب بنا کر اسمبلی تک پہنچایا ہے جس کے لیے وہ ان سبھی عوام کے شکر گذار ہیں۔

خیال رہے کہ گزشتہ اسمبلی انتخابات میں علاقے کی عوام میں ایک عام آدمی کو اپنا نمائندہ بنا کر اسمبلی بھیجا ہے

انہوں نے میوات کی دیرینہ مانگ نیشنل ہائی وے 248 اے کے متعلق کہا کہ وزیر اعلی سے مل کر اس کو فور لین کرانے کی کوشش کی جائے گی۔