بستی میں سڑک حادثہ، تین افراد ہلاک

کلواری تھانہ علاقے کے پنیری گاؤں کے پانچ افراد گزشتہ شب گورکھپور سے اپنے گھر آرہے تھے، تبھی بستی شہر کے پٹیل چوک پر کار ٹرالا سے ٹکراگئی۔

اترپردیش میں بستی ضلع کے شہر کوتوالی علاقے میں ایک تیز رفتار کار کے ٹرالا سے ٹکرانے کے سبب تین لوگوں کی موت جبکہ دو دیگر سنگین طور پر زخمی ہوگئے ہیں۔

پولیس ذرائع نے اتوار کو بتایا کہ ضلع کے کلواری تھانہ علاقے کے پنیری گاؤں کے پانچ افراد گزشتہ شب گورکھپور سے اپنے گھر آرہے تھے کہ بستی شہر کے پٹیل چوک پر کار ٹرالا سے ٹکراگئی۔

اس حادثے میں کار سوار رام ملن پانڈے(65)، سبھا پتی پانڈے(62) اور راج منی پانڈے(65) کی موت ہوگئی جبکہ لال چندر(48) اور آدتیہ پانڈے(45) سنگین طور پر زخمی ہوگئے۔ زخمیوں کو اسپتال میں داخل کرایا گیا ہے۔