مختارانصاری فرضی ایمبولنس اندراج معاملےمیں تین گرفتار

اترپردیش کے ضلع بارہ بنکی میں پولیس نے مافیا ڈان مختارانصاری کی فرضی ایمبولنس اندراج معاملے میں تین حامیوں کو آج شہر کوتوالی علاقے سے گرفتار کرلیا۔

سپرنٹنڈنٹ آف پولیس یمنا پرساد نے بتایا کہ مافیا ڈان مختار انصاری کے ذریعہ فرضی طریقے سے ایمبولنس رجسٹرڈ کرانے کے معاملے

25۔25ہزار روپئے کے تین انعامی ملزمین کو بدھ کو کوتوالی پولیس نے گرفتار کیا ہے ۔جبکہ ابھی بھی دو ملزمین فرار ہیں۔

ان کی بھی تلاش جاری ہے۔ گرفتار کئے گئے ملزمین مختار انصاری کے کافی قریبی ہیں۔

انہوں نے بتایا کہ گرفتار ملزمین میں فیروزقریشی، شاہد عرف قربان اور سریش شرما شامل ہیں۔

تینوں ملزمین ضلع غازی پور کے رہنے والے ہیں۔ گرفتار کئے گئے ملزمین نے پولیس کو بتایا کہ وہ مختار انصاری کی ایمبولنس چلاتے تھے اور اس کی سیکورٹی میں ان کے ساتھ رہتے تھے ۔

لیکن وہاں پر پولیس کی کاروائی بڑھنے پر ہم لوگ ایمبولنس چھوڑ کر فرار ہوگئے۔

یواین آئی۔ولی