ریاست جھارکھنڈ کے ضلع گریڈیہہ کے پولیس اسٹیشن نے ایک بند لوہے کی فیکٹری میں چھاپہ مار کر 70 باکس چھوٹی موٹی غیر ملکی (بیلجیئم) بیئر برآمد کیا ہے۔ بیئر کو ٹرک سے اتارا گیا تھا اور اسے ایک پک اپ وین اور آٹو میں بھرا جا رہا تھا۔ اس معاملے میں چار افراد کو حراست میں لیا گیا ہے۔
بتایا جاتا ہے کہ پولیس انچارج رتنیش موہن ٹھاکر کو اطلاع ملی تھی کہ غیر ملکی بیئر سے بھرا ٹرک تھانہ علاقے کے موہن پور میں واقع ایس آر ایس فیکٹری کے اندر داخل ہوا ہے۔ بیئر کو اس ٹرک سے دوسری گاڑی میں اتارا جارہا ہے۔ اس اطلاع کے بعد تھانہ انچارج جتیندر کمار اور رادھے شیام جھا پوری ٹیم کے ساتھ پہنچے۔ پولیس نے موقع سے ایک بیئر سے بھری پک اپ وین اور ٹرک قبضے میں لے لیا۔
یہ بھی پڑھیں:
افغانستان راکٹ حملے میں 23 افراد ہلاک
چھاپے کے دوران صدر ایس ڈی پی او کمار گورو بھی موقع پر پہنچے اور پورے معاملے کی جانکاری لی۔ اس معاملے میں گرفتار چاروں افراد سے پوچھ گچھ کی گئی۔ تفتیش کے دوران چاروں نے پولیس کو اہم معلومات دی ہیں۔ اس معاملے پر ایس ڈی پی او نے بتایا کہ جس فیکٹری میں بیئر ملا تھا وہ بند ہے۔ اب تک کی تفتیش میں یہ بھی انکشاف ہوا ہے کہ فیکٹری کو بینک نے ٹیک اوور کیا ہے۔
اس معاملے پر پروڈکٹ سپرنٹنڈنٹ اودھیش پرساد سنگھ نے کہا کہ تفتیش میں اب تک یہ بات واضح ہوگئی ہے کہ برآمد شدہ بیئر بیلجیم کی ہے۔ بیلجیئم سے بیئر دہلی پہنچا اور اسے لکشمی نگر کے آلوک ویبرج میں اسے بوتل میں پیک کیا گیا۔ وہاں سے یہ بیئر اسمگل کیا گیا ہے۔ معلومات کے مطابق برآمد شدہ بیئر چوری سے لائی گئی ہے۔
بند فیکٹری کے مالک کے ایک دوست سومت نے بتایا کہ فیکٹری مالک کا بیٹا کینسر میں مبتلا ہے اور وہ گذشتہ ڈیڑھ ماہ سے دہلی میں علاج کرا رہا ہے۔ اس کا بھائی اور دیگر ممبر بھی دہلی میں ہیں اور سبھی کورونا سے متاثر ہیں۔ انہوں نے کہا کہ شراب کے کاروبار سے کسی کا کوئی سروکار نہیں ہے۔ باقی پولیس اس معاملے کی تحقیقات کر رہی ہے۔
