کچھ دن قبل مسلمانوں کے چکن کی دکانوں کو زبردستی بند کرانے والے اتر پردیش لونی غازی آباد کے متنازع شخصیت کے حامل بی جے پی کے رکن اسمبلی نند کشور گرجرNand Kishore کی قیادت میں جمع ہونے والے سینکڑوں کارکنوں نے ایک بار پھر زہر افشانی کی۔
پنجاب کے کسانوں کو خالصتانی قرار دیتے ہوئے ہوئے آج نند کشور کی قیادت میں بی جے پی کے جنونی کارکنان نے سونیا گاندھی ،راہول گاندھی ، پنجاب کے وزیر اعلیٰ چنی کی ارتھی نکالی گئی اور کانگریس مردہ آباد کے نعرے لگائے گئے۔
انہوں نے کہا کہ یہ سونیا گاندھی کے اشارے پر ہوا ہے اور اس میں آئی ایس آئی کا بھی ہاتھ ہے۔انہوں نے مزید کہا کہ سونیا گاندھی نے پہلے بھی اپنی پارٹی اور دیگر پارٹیوں کے بڑے بڑے لیڈر ان کا قتل کرایا ہے۔سونیا اور کانگریس آئی ایس آئی کے ایجنٹ ہیں۔
انہوں نے کانگریسیوں کے گھر میں گھس کر مارنے کی بھی دھمکی دی۔کانگریس کی قومی صدر سونیا گاندھی، راہول گاندھی اور پنجاب کے وزیر اعلیٰ چنی کے پتلے جلائے، اس دوران ایم ایل اے نند کشور گرجر نے بتایا کہ وزیر اعظم نریندر مودی ملک کے ائیکون ہیں۔ ان کے ساتھ ایسا سلوک ملک بھر کے نوجوانوں میں غم و غصہ کا باعث ہے۔ جس کے لیے پتلے جلانے کے جلوس نکالے جا رہے ہیں، جب کہ ایم ایل اے نند کشور گرجر نے پنجاب میں صدر راج لگانے کا مطالبہ کیا اور کہا کہ خالصتانیوں کی اس قسم کی کارروائی انتہائی قابل مذمت ہے۔
اس کی جانچ ہونی چاہئے اور ملوث افراد کو پھانسی کی سزا دی جائے انہوں نے یہ بھی کہا کہ کانگریس پارٹی کو ملک سے ختم کرنے کا وقت آ گیا ہے۔
