دارالحکومت دہلی سے متصل غازی آباد کے ہاٹ اسپاٹ ایریا موہن نگر کا ایس پی سٹی منیش مشرا نے اچانک معائنہ کیا۔
معائنہ کرتے وقت ڈرون کیمرے کا استعمال کیا گیا تاکہ یہ معلوم کیا جاسکے کہ کوئی بھی لاک ڈاون کی خلاف ورزی تو نہیں کررہا ہے۔
ہاٹ اسپاٹ علاقے کا معائنہ کرنے کے بعد انہوں نے کہا ہے کہ وہ کسی بھی وقت کسی بھی ہاٹ اسپاٹ کا معائنہ کرنے جاتے ہیں تاکہ کسی بھی قسم کی کوتاہی نہ ہو۔
ایس پی سٹی منیش مشرا نے کہا کہ تمام افسران کوشش کر رہے ہیں کہ وہ موقع پر موجود تمام پولیس اہلکاروں کے حوصلے بڑھاتے رہیں اور انہیں اس کے لیے ترغیب بھی دی جارہی ہے۔
ایس پی سٹی نے بھی تمام پولیس اہلکاروں کے حوصلے بلند کیے اور کہا کہ یہی وقت ہے امتحان کا۔ تمام پولیس اہلکاروں کو بھی اپنی دیکھ بھال کرنی ہوگی اور ملک کی خدمت بھی کرنی ہوگی اور اس میں ہم آہنگی ہونی چاہئے۔
پولیس اہلکاروں نے یہ بھی یقینی بنائے ہوئے ہیں کہ مکمل طور سے بند سوسائٹی کے گارڈ روم سے آر ڈبلیو اے کے لوگوں کو یہ پیغام دیا جائے اور اس بات کو یقینی بنائیں کہ آر ڈبلیو اے صد فیصد افراد کو گھروں میں ہی رہیں اور یہ شعور بھی پھیلاتے رہیں کہ گھروں سے کوئی باہر نہ نکلے۔
