غازی آباد ضلع میں کورونا سے متاثرہ مریضوں کی تعداد 600 سے تجاوز کرگئی ہے اور اب وہ ڈاکٹر جو کورونا سے متاثرہ مریضوں کا علاج کر رہے ہیں وہ بھی اس وبا کی گرفت میں آرہے ہیں۔
تحصیلدار اماکانت تیواری نے بتایا کہ 'بھوج پور میں واقع پرائمری ہیلتھ سینٹر میں کام کرنے والے دو ڈاکٹر اور ایک حاضر ملازم میں کورونا مثبت پایا گیا ہے۔جس کے بعد احتیاط کے طور پر پرائمری ہیلتھ سینٹر کو بند کر دیا گیا ہے۔
ضلعی انتظامیہ اور محکمہ صحت نے احتیاط کے طور پر کورونا کے مثبت ڈاکٹروں اور ملازم دونوں کے ساتھ رابطے میں آنے والے تمام افراد اور ان کے اہل خانہ کو قرنطین کیا گیا ہے۔
واضح رہے کہ عالمی سطح پر کورونا وائرس سے سب سے زیادہ متاثر ہونے والے ممالک کی فہرست میں بھارت چوتھے نمبر پر ہے جہاں حکومت نے اس وبأ پر قابو پانے کے لیے تقریباً دو ماہ تک کا لاک ڈاؤن نافذ کیا لیکن پھر بھی کورونا کیسز کی تعداد مسلسل بڑھتی جارہی ہے۔
بھارت میں کورونا متاثرین کی تعداد 3،33،008 درج کی گئی ہے جبکہ 9،520 مریض ہلاک ہوئے ہیں۔
