ریاست بہار کے ضلع کیمور میں پولیس نے اوور لوڈ ٹرک کو ضبط کرتے ہوۓ ایک فرار انٹری مافیا کو گرفتار کرنے میں کامیابی حاصل کی ہے۔ انٹری مافیا کی گرفتاری پولیس نے اوور لوڈ گاڑیوں کی چیکنگ کے دوران کی۔
گرفتار مافیا روہتاس ضلع کے نوکھا تھانہ علاقہ کے ہتھنی گاٶں کا رہاٸشی راجو کمار عرف سنٹو سنگھ بتایا گیا ہے۔ جس کے پاس سے پولیس نے ایک طمنچہ پندرہ کارتوس اور بیس ہزار روپے نقد برآمد کۓ ہیں۔
پولیس کو اطلاع ملی تھی کے روہتاس کی جانب سے کیمور کے قومی شاہرا پر اوور لوڈ ٹرک پار ہونے والی ہے۔ پولیس نے جانکاری کے بعد روہتاس کیمور سرحد کے پاس چیکنگ شروع کی تبھی سامنے سے آتے دو ٹرک کو پولیس نے رکوانے کی کوشش کی۔لیکن ٹرک ڈراٸیوربھاگنے کی کوشش کی تبھی پہلے سے گھات میں بیٹھی پولیس نے ٹرک کو پکڑ لیا۔
مزید پڑھیں: کیمور: کنویں سے جیویکا ملازم کی لاش برآمد
حراست میں لیے گئے ٹرک ڈراٸیور سے تفتیش کے بعد انٹری مافیا راجو سنگھ کا نام سامنے آیا۔ پولیس نے بتایا کہ راجو سنگھ کو گرفتار کرلیا گیا ہے ۔اس بابت ایس پی نے بتایا کہ راجو سنگھ کی کارگردگی ہمیشہ سے مشکوک رہی ہے۔ اس پر بنارس کے لنکا تھانہ میں بھی مقدمہ درج ہے۔ مافیا کو جیل بھیجنےکی کاروائی عمل میں لائی جارہی ہے۔
