کورونا وائرس کے پھیلاؤ کو روکنے کے لیے 14 اپریل تک ملک گیر سطح پر لاک ڈاؤن کیا گیا ہے۔ لاک ڈاؤن کے دوران پورے ملک میں نقل حمل کے تقریباً تمام ذرائع بند ہیں جس کی وجہ سے دیگر شہروں میں مزدوری کرنےوالے یومیہ مزدور پیدل سفر کرکے اپنے آبائی وطن جانے کے لیے مجبور ہیں۔
ٹھیک اسی طرح پٹنہ سے پیدل سفر کرتے ہوئے مزدوروں کا ایک قافلہ گیا پہنچاہے۔ یہ گروپ تقریبا '150 کلومیٹر کا سفر طے کرنے کے بعد یہاں تک پہنچا ہے، مزید ان مزدوروں کو گیا سے قریب دوسوکلومیٹر کا سفر کرکے جھارکھنڈ کے پلامو اور گڑھوا ضلع تک جانا ہے۔
اس موقعے پر ای ٹی وی اردو بھارت کے ساتھ بات چیت کرتے ہوئے مزدورں نے کہا کہ ان کا تعلق جھارکھنڈ کے گڑھواو پلاموں سے ہے وہ لوگ پٹنہ میں کام کرتے تھے۔ کام بند ہوچکا ہے، ٹھیکدار کام بند ہونے کے بعد ان کی خبر تک نہیں لے رہا تھا۔ نوبت فاقہ کشی تک پہنچ گئی، ایسے میں ہم نے یہ فیصلہ کیاکہ جسم میں قوت رہتے ہی پیدل سفرکرکے گھر پہنچا جائے'۔
انہوں نے بتایا کہ کام رک گیا ہے۔ اب ہمارے پاس پیسوں کی بھی کمی ہے، قریب پندرہ سولہ گھنٹے پیدل سفر کرنے کے بعد یہاں پہنچے ہیں۔
گیا میں ڈیوٹی پر تعینات افسر نے بتایاکہ ضلع انتظامیہ نے انہیں میڈیکل جانچ کرانے کے بعد امبیڈکر ہاسٹل میں قیام کرایاہے۔ انہیں یہیں نگرانی میں رکھاگیا ہے۔ ڈیوٹی پرتعیناتی ایک افسر نے بتایاکہ کھانے پینے کا انتظام یہیں کیاگیاہے، ان کی جانچ کرائی جارہی ہے۔
