گیا میں مسلسل بڑھتے مجرمانہ واقعات کولیکر آل انڈیااسٹوڈنٹس فیڈریشن نے ہفتہ کویک روزہ دھرنا دیکر انتظامیہ کے تئیں ناراضگی ظاہر کی۔
مظاہرہ کررہے اے آئی ایس ایف کے طلباء نے حکومت وانتظامیہ کے خلاف نعرے بازی کی، اور مطالبہ کیا کہ ضلع میں جنسی زیادتی، قتل، ڈاکہ زنی جیسے واقعات کوانجام دینے والے مجرموں کی جلد گرفتاری ہو، کیوںکہ حالیہ دنوں میں مجرمانہ واقعات مسلسل بڑھے ہیں۔
آل انڈیا اسٹوڈنٹ فیڈریشن کے ریاستی سکریٹری کمار جتیندر نے کہا کہ، گیا میں مسلسل جرائم بڑھ رہے ہیں لیکن پولیس کی جانب سے کوئی کارروائی نہیں کی جارہی ہے۔جبکہ کچھ دن قبل پیش آنے والے ایک واقعات جس میں ایک کم سن بچی کے ساتھ اجتماعی عصمت دری کے معاملے کے ملزم کو بھی اب تک نہیں پکڑا گیا ہے۔
اس معاملے کولیکر گذشتہ روز اے آئی ایس ایف گیا کے گاندھی میدان سے کلکٹریٹ تک احتجاجی مارچ بھی نکالا گیا تھا۔ انہوں نے یہ بھی کہا کہ اگر انتظامیہ ایک ہفتہ کے اندر ملزموں کو نہیں پکڑتی ہے تو پھر گیا میں بڑے پیمانہ پراحتجاج کیاجائیگا، ورنہ حکومت اس معاملے پر سخت کاروائی کر کے ملزموں کو گرفتار کرے ۔
