نوح: کورونا سے متاثر مزید 4 افراد صحتیاب

ریاست ہریانہ کے نوح میوات ضلع میں کورونا وائرس سے متاثر مزید 4 افراد صحتیاب ہوئے ہیں، اس طرح اب ضلع میں محض 2 فعال کیس باقی رہ گئے ہیں۔ ایک ہفتہ میں کورونا وائرس سے متاثر دو درجن سے زائد افراد صحتیاب ہوئے ہیں۔

دو ہفتوں میں محض ایک کورونا کا مثبت کیس سامنے آیا ہے۔ کل ملا کر ضلع میں اب تک 59 کورونا کے مثبت کیسز آئے ہیں جن میں سے 57 کورونا کو شکست دے کر صحتیاب ہو چکے ہیں اور اب محض 2 کیس ہی مثبت باقی رہ گئے ہیں۔ اسی کا نتیجہ ہے کہ نوح ضلع ریڈ زون سے نکل کر اورینج زون میں شامل ہوگیا ہے۔

رپورٹ

یہ امید کی جا رہی ہے کہ جلد ہی ضلع گرین زون میں شامل ہو جائےگا۔اب تک 3175 نمونے لیے گئے ہیں جن میں سے 2948 رپورٹ منفی آ چکی ہے، 59 کیس مثبت آئے ہیں۔57 صحتیاب ہو چکے ہیں اور کل 168 رپورٹ کا انتظار ہے۔

رپورٹ