دہلی میں مسلسل بارش سے جمنا کی سطح آب میں اضافہ

دارالحکومت دہلی میں رک رک کر ہورہی بارشوں سے آئی ٹی او گھاٹ پر سیلابی پانی سیڑھیوں تک پہنچ گیا ہے۔ لیکن بارش کا پانی جمع ہونے اور ہتھنی کنڈ بیراج سے پانی چھوڑے جانے سے جمنا ندی لبالب ہوگئی ہے اور خطرے کے نشان سے اوپر پانی بہہ رہا ہے۔

جمنا کا پانی دارالحکومت دہلی کے آئی ٹی او گھاٹ پر سیڑھیوں تک پہنچ گیا ہے۔ وہیں بارش کا پانی جمع ہونے سے سڑکوں پر لوگ پریشان ہے۔ یہی وجہ ہے کہ آفس سے گھر پہنچنے کے لیے لوگوں کو کافی مشقت کا سامنا کرنا پڑرہا ہے۔
حالت یہ ہے کہ جمنا کا پانی دہلی کے آئی ٹی او پر گھاٹ کے قدموں تک پہنچ گیا ہے۔ آئی ٹی او گھاٹ پر غوطہ خور کو تعینات کر دیئے گئے۔

جمعرات کی رات 12 بجے سے پانی کی سطح میں اضافہ ہونا شروع ہواہے جو اب بھی مسلسل بڑھ رہا ہے۔

5 دن پہلے تک کافی دور تک بہنے والی جمنا ندی میں طغیانی آنی شروع ہوگئی ہے۔ اور خطرے کے نشان کو پار کرچکا ہے۔

نہ صرف آئی ٹی او گھاٹ بلکہ دہلی کے مختلف جمنا گھاٹوں میں بھی پانی کی سطح میں میں اضافہ دیکھا جارہا ہے۔ ریلوے کے پرانے لوہے کے پل کے قریب جمنا کی پانی کی سطح دوپہر 12 بجے 205.37 میٹر ریکارڈ کی گئی جو کہ خطرے کے نشان سے اوپر ہے۔ صبح 6 بجے پرانا ریلوے لوہا پل کے قریب جمنا کی سطح کی سطح 205.10 میٹر ریکارڈ کی گئی۔ جمنا کی پانی کی سطح صبح 7 بجے 205.17 میٹر اور صبح 8:00 بجے 205.22 میٹر ریکارڈ کی گئی۔ یہ صبح 9 بجے تک 205.26 میٹر ، صبح 10 بجے 205.32 میٹر تھا جو 11 بجے تک بڑھ کر 205.34 میٹر ہو گیا۔

واضح رہے کہ ہتھنی کنڈ بیراج سے پانی ہر گھنٹے میں جمنا میں چھوڑا جا رہا ہے۔ جس کی وجہ سے جمنا کے پانی کی سطح میں مسلسل اضافہ ہو رہا ہے۔ صبح 6 بجے ہریانہ کے ہتھنی کنڈ بیراج سے 20 ہزار 485 کیوسک پانی چھوڑا گیا۔