دارالحکومت دہلی میں کورونا وائرس کے اثرات نے کافی تیزی کے ساتھ اپنے پیر پسار رہا ہے جس کی وجہ سے کورونا متأثرین کی مجموعی تعداد 25 ہزار سے بھی تجاوز کر چکی ہے۔ وہیں حکومت کی جانب لاک ڈاؤن کھولنے کے پہلے ہی مرحلے میں دی جانے والی رعایت کی وجہ سے آہستہ آہستہ تمام مارکیٹ سجنے شروع ہوگئے ہیں۔
اسی ضمن میں ایشیاء کی سب سے بڑے سافٹ ویئر و ہارڈ ویئر مارکیٹ نہرو پلیس میں دکانیں مکمل طور سے کھل چکی ہیں، جس کی وجہ سے لوگ کافی بڑی تعداد میں خریداری کرنے مارکٹ میں پہنچ رہے ہیں۔
خریداری کے لیے آئے لوگوں نے نہرو پلیس مارکیٹ میں سماجی فاصلے پر عمل دارآمد کرتے نہیں دکھے اور نا ہی دکانداروں نے ہی یہاں سماجی دوری کے لیے کوئی مناسب انتظام کیا ہوا تھا، جس کی وجہ سے لوگ اپنی زندگی کو خطرے میں ڈال کر بھی خریداری کررہے تھے۔
