Dehli Jama Masjid issue in Parliament: دہلی کی جامع مسجد کا معاملہ پارلیمنٹ میں زیر بحث آیا

دارالحکومت دہلی کی شاہی جامع مسجد Dehli Jama Masjid issue in Parliament کی مرمت کا معاملہ پارلیمنٹ میں اترپردیش سے رکن پارلیمان کنور دانش علی MP Danish Ali نے اٹھاتے ہوئے اس کی جلد مرمت کرنے کی مانگ کی۔

نئی دہلی: دارالحکومت دہلی کی شاہی جامع مسجد Dehli Jama Masjid issue in Parliament کی مرمت کی بات گزشتہ کئی دنوں سے سرخیوں میں ہے۔ اس سے متعلق وزیراعظم مودی Prime Minister Narendra Modi، محکمہ آثارِ قدیمہ Department of Archeology، اور دہلی وقف سمیت دیگر اداروں اور وزارتوں میں مرمت کے لیے خط و کتابت کی گئی ہے لیکن اس کا حاصل فی الحال کچھ بھی نہیں ہوا۔

حال ہی میں ممبر پارلیمنٹ ششی تھرور MP Shashi Tharoor نے بھی منسٹر فار کلچر کشن ریڈی Kishan Reddy اور آثارِ قدیمہ کو خط لکھا ہے، تاہم آج بی ایس پی کے رکن پارلیمان کنور دانش علی نے پارلیمنٹ میں جامع مسجد کی مرمت کا معاملہ اٹھاتے ہوئے اس کی مرمت کا مطالبہ کیا۔

دہلی کی تاریخی شاہی جامع مسجد

کنور دانش علی نے پارلیمنٹ میں کہا کہ ملک و بیرون ملک سے دہلی کی شاہی جامع مسجد کو بڑی تعداد میں سیاح دیکھنے آتے رہے ہیں۔ گزشتہ دنوں کناڈا کے وزیر اعظم نے بھی جامع مسجد Jama Masjid Dehli کا دورہ کیا تھا اس لیے حکومت کو چاہیے کہ وہ اس مسجد کی مرمت کرائیں تاکہ اس کی حالت کو مزید خستہ ہونے سے بچایا جا سکے۔

جس کے جواب میں منسٹر فار کلچر کشن ریڈی Minister for Culture Kishan Reddy نے جواب دیتے ہوئے کہا کہ محکمۂ آثارِ قدیمہ کے ذریعے 4 ہزار عمارتوں کو تحفظ فراہم کیا جاتا ہے لیکن دہلی کی جامع مسجد اس میں شامل نہیں ہے البتہ اگر ریاستی حکومت کی جانب سے کوئی پروپوزل ہمارے پاس آتا ہے تو ہم اس پر کام کر سکتے ہیں۔