قومی دارالحکومت دہلی کے تھرو بال ایسوسی ایشن کے زیر اہتمام مدر ڈیوائن پبلک اسکول، روہنی میں 43ویں سینئر نیشنل تھرو بال چمپئن شپ Senior Throwball Championship in Delhiکا افتتاح کیا گیا۔
افتتاحی میچ میں مردوں کے زمرے میں دہلی اور خواتین زمرے میں اڈیشہ نے فتوحات سے آغاز کیا۔ مردوں کے زمرے میں دہلی نے آندھرا پردیش کو 15-0، 15-13 سے ہرایا جبکہ خواتین کے زمرے میں اوڈیشہ کی ٹیم نے مدھیہ پردیش کو 15-5، 15-1 سے شکست دی۔
تھرو بال فیڈریشن آف انڈیا Throwball Federation of Indiaکے جنرل سیکریٹری نریش مان کے مطابق ٹورنامنٹ کا افتتاح بی جے پی کے دہلی کے صدر آدیش گپتا نے میچوں سے قبل چراغ روشن کر کے کیا۔ اس موقع پر انٹرنیشنل اسپورٹس کونسل کے اجیت سنگھ سمیت کئی معزز مہمانوں نے شرکت کی۔
ٹورنامنٹ کے دوران ایم پی ہنس راج ہنس بھی موجود تھے۔ کھلاڑیوں کو بین الاقوامی کھلاڑی، گولڈ میڈلسٹ دیپیکا نے حلف دلایا۔
