دہلی کے اسپتالوں کے ریزیڈینٹ ڈاکٹرز NEET-PG Counselling کونسلنگ میں تاخیر کے خلاف جمعہ کی صبح سے ہڑتال Resident doctors Go On Strike پر ہیں۔
جمعرات کو صفدرجنگ سمیت مختلف اسپتالوں کے ریزیڈنٹ ڈاکٹروں نے ہڑتال میں شامل ہونے کا اعلان کیا تھا۔ اسپتالوں میں او پی ڈی بھی نہیں چلنے دے رہے ہیں۔ ڈاکٹروں کی ہڑتال کے باعث ہسپتالوں میں مریضوں کو شدید پریشانی کا سامنا کرنا پڑا۔
ریزیڈنٹ ڈاکٹرس ایسوسی ایشن کے صدر ڈاکٹر منیش نے بتایا کہ ایک ہفتہ قبل وزیر صحت نے ڈاکٹروں کے وفد سے ملاقات کے بعد ایک ہفتہ کے اندر مسئلہ حل کرنے کا وعدہ کیا تھا، لیکن ایک ہفتہ گزرجانے کے باوجود نہ تو حکومت کی طرف سے کوئی یقین دہانی حاصل ہوئی ہے اور نہ ہی کسی قسم کی کوئی بات کی جا رہی ہے۔ لہٰذا اب یہ واضح ہو گیا ہے کہ حکومت کا رویہ مکمل طور پر ٹال مٹول کا شکار ہے۔ اب اس کا علاج یہی ہے کہ جب تک حکومت ڈاکٹروں کے مطالبات تسلیم نہیں کرتی یہ ہڑتال جاری رہے گی۔ یہ ہڑتال اب غیر معینہ مدت تک جاری رہے گی۔
صفدر جنگ اسپتال کے ریزیڈنٹ ڈاکٹروں کی ہڑتال کی وجہ سے آپریشن تھیٹر اور او پی ڈی سمیت تمام ایمرجنسی سروسز بھی مکمل طور پر ٹھپ ہوکر رہ گئی ہیں۔ جس کی وجہ سے دور دراز سے آنے والے مریضوں کو شدید پریشانی کا سامنا ہے۔ فی الحال ایمس، یعنی آل انڈیا انسٹی ٹیوٹ آف میڈیکل سائنسز، دہلی کو اس ہڑتال سے باہر رکھا گیا ہے۔
