پرائمری ہیلتھ سنٹر بیسرخ کے میڈیکل آفیسر انچارج ڈاکٹر سچندرا کمار مشرا نے کہا کہ پردھان منتری ماترو وندنا یوجنا اسکیم کے تحت جاریہ ماہ کے اوائل میں ایک ہفتہ طویل منائے گئے طروگرام میں بیسرح سنٹر کو پہلی پوزیشن حاصل ہوئی ہے جبکہ وہ پروگرام کے آغاز سے ہی اس کے لیے پرامید تھے۔
انہوں نے کہا کہ چیف میڈیکل آفیسر ڈاکٹر سنیل کمار شرما اور نوڈل آفیسر ڈاکٹر بھارت بھوشن کی رہنمائی میں پروگرام کے آغاز پر ہی اس عزم کا اظہار کیا گیا تھا کہ سنٹر کو ریاست میں پہلا مقام حاصل کرنا ہے۔ اس عزم کے مطابق انہوں نے اپنا ایک ایکشن پلان بنایا اور عملے سے ملاقات کرکے اس سے متعلق لائحہ عمل تیار کیا گیا۔
ڈاکٹر سچندرا کمار مشرا نے کہا کہ پروگرام کے آغاز کے ساتھ ہی عملے نے پوری لگن اور محنت سے کام کیا۔ ڈاکٹر مشرا نے کہا کہ ہفتے کے پہلے دن روز سے ہی انہوں نے ریاست بھر کے رجحانات پر نظر رکھنا شروع کیا اور ہر روز اس پر نظر رکھتے۔ جس مقام پر زیادہ فارم داخل کئے جاتے، اسی کے مطابق ہدف کو بڑھایا جاتا تھا۔ انہوں نے تمام آشا کارکنوں اور آشا سنگنی کو روزانہ اسکیم کے تحت 20 فارم کو پر کرنے کا ہدف دیا تھا جبکہ بلاک میں 167 آشا ورکرز ہیں۔
یہ بھی پڑھیں:
نوئیڈا: بولیوارڈ سوسائٹی کے رہائشی پر حملہ کرنے والے آٹھ گارڈز گرفتار
انہوں نے کہا کہ عملے کی کڑی محنت کے نتیجہ میں ہم نے اپنے عزم کو پورا کیا اور ریاست میں بیسرخ سنٹر کو اول مقام حاصل ہوا۔ انہوں نے کہا کہ بلاک پروگرام منیجر ستیارتھ کمار رائے، ایڈیشنل ریسرچ آفیسر ایس آر رانا، ہیلتھ ایجوکیشن آفیسر سنیتا یادو، فارماسسٹ سنجیو شرما، ڈیٹا انٹری آپریٹر رویندرا شکلا بشمول پورے عملے نے خصوصی تعاون پیش کیا
