تاخیر تو ہوئی لیکن انصاف ملا: ریکھا شرما

خواتین قومی کمیشن کی سربراہ ریکھا شرما نے کہا کہ یہ یقینی طور پر کہا جا سکتا ہے کہ طویل انتظار کے بعد ملزمین کو پھانسی دی گئی ہے، اور انصاف کا تقاضہ پورا ہوا۔

طویل انتظار کے بعد بالآخر آج صبح 5:30 بجے نربھیا کے مجرموں کو پھانسی دے دی گئی۔ اس کے ساتھ ہی، ان سب لوگوں کو آج انصاف ملا، جو گذشتہ 7 برسوں سے اس جنگ میں مضبوطی سے کھڑے ہیں۔

ریکھا شرما نے مزید کہا کہ اب گناہ کرنے والوں کے دل میں خوف ہوگا کہ اگر وہ کوئی گناہ کرتے ہیں تو قانون ان کا پیچھا نہیں چھوڑیگا۔

ریکھا شرما نے کہا کہ آج انصاف ہوا ہے۔ نربھیا کو انصاف ملا ہے۔ ایک ہی وقت میں ان تمام خواتین کو انصاف ملا ہے جو الگ الگ سے طریقوں سے جرائم کا شکار ہوئی ہیں۔ اب شاید جرائم کم ہوںگے اور خواتین کے خلاف جرائم میں کمی آئے گی۔