نئی دہلی میں فٹ انڈیا مہم کے تحت اتوار کو جواہر لعل نہرو اسٹیڈیم میں منعقد ہونے والے سالانہ ملک گیر پروگرام 'فٹ انڈیا پلگ رن' میں 500 سے زیادہ کھلاڑیوں اور کوچز نے حصہ لیا۔
اس کے ساتھ ہی اس برس کی 'کلین انڈیا' مہم بھی اپنے اختتام کو پہنچی، جو یکم اکتوبر سے شروع ہوئی تھی۔
'پلاگنگ' یا 'پلاگ رن' ایک منفرد سرگرمی ہے جو فٹنس اور صفائی کو یکجا کرتی ہے۔ شرکاء صفائی اور صحت کو فروغ دینے کے لیے دوڑتے ہوئے (جاگنگ) کوڑا جمع کرتے ہیں۔
یہ بھی پڑھیں: نوئیڈا: سکھویر پہلوان سمیت 800 کسانوں کے خلاف مقدمہ
پروگرام کے شرکاء نے قومی اتحاد کے دن کے موقع پر اتحاد کا حلف بھی اٹھایا۔ اسے سردار ولبھ بھائی پٹیل کی یوم پیدائش کے طور پر منایا جاتا ہے۔
بھارت کو کچرے سے پاک بنانے کی اپنی انتھک مہم کے لیے مشہور ریدو رمن بیولی نے اس موقع پر 'فٹ انڈیا پلگ رن' کی قیادت کی۔
