بی جے پی کے مسلم کارکنان میں خوشی کی لہر

لوک سبھا انتخابات کے نتائج سے جہاں ایک طرف مسلم سماج میں بے چینی ہے وہیں دوسری طرف بی جی پی کے مسلم کارکنان پر جوش نظر آ رہے ہیں۔

سکندر بخت کے دور سے بی جے پی کا ساتھ بڑی ایمانداری کے ساتھ نبھانے والے عبدالملک قریشی نے این ڈی اے کی کامیابی پر خوشی کا اظہار کرتے ہوئے نریندر مودی کو مبارکباد دی اور کہا کہ مسلمانوں کی سچی اور ہمدرد سیاسی جماعت بی جے پی ہے.

یہ بات مسلمانوں کو جلد از جلد سمجھ لینی چاہیے ۔انہوں نے مزید کہا کہ کانگریس کے دور حکومت میں جیسے ظالمانہ فسادات عمل میں آئے ہیں کہ جبکہ بی جے پی کی حکومت میں ایسا کوئی سانحہ پیش نہیں آیا۔ لیکن ماب لنچنگ کے واقعات ضرور رونما ہوئے ہیں۔انہوں نے مزید کہا کہ اگر کوئی سیاسی جماعت مسلمانوں کا بھلا سوچتی ہے تو وہ صرف اور صرف بی جے پی کی حکومت ہے۔