کانگریس کے ترجمان ابھیشیک منو سنگھوی نے ہفتہ کے روز نئی دہلی میں ایک پریس کانفرنس کے دوران کہا کہ آئینی ترمیم میں اپوزیشن پارٹیوں نے حکومت کو خبردار کیا تھا کہ جو قانون وہ بنا رہے ہیں اس سے ریاستوں کا حق چھن جائے گا، لیکن حکومت نے اس پر توجہ نہیں دی۔ جس کی وجہ سے بعد میں سپریم کورٹ کے ایک فیصلے کی وجہ سے ریاستوں کا یہ حق چھین لیا گیا۔
انہوں نے کہا کہ ’’کس کو او بی سی میں شامل کرنا ہے اور کس کو اس فہرست میں شامل نہیں کرنا ہے، پہلے یہ حق ریاستی حکومتوں کے پاس تھا، لیکن مودی حکومت نے 2018 میں قانون پاس کرکے ریاستوں کے اس حق کو چھیننے کی بنیاد رکھی۔‘‘
مزید پڑھیں: حکومت کی پالیسیوں سے سرحدیں غیر محفوظ: راہل گاندھی
کانگریس کے ترجمان نے مزید کہا کہ بعد میں جب معاملہ سپریم کورٹ میں گیا تو اسی سال عدالت نے مرکزی حکومت کی غلطی کی وجہ سے اپنا فیصلہ دیا ہے جس سے ریاستوں کو اپنے حق سے محروم کر دیا گیا ہے۔
