نوح میوات کے ڈپٹی کمشنر دھیریندر کھڑگٹا نے پورے ضلع میں واقع کنٹینمنٹ زونز میں سینیٹائزیشن کے لیے نوڈل آفیسرز کو مقرر کیا ہے۔
شہری علاقوں میں واقع کنٹینمنٹ زون میں میونسپل کمشنر کو نوڈل افسر مقرر کیا گیا ہے جبکہ دیہی علاقوں کے کنٹینمنٹ زون کے لیے ضلع پریشد کے سی ای او کو نوڈل افسر بنایا گیا ہے۔
غور طلب ہے کہ ضلع میں کورونا کے بڑھتے وائرس کے پیش نظر ضلع انتظامیہ نے حکومت ہریانہ کے احکامات کے مطابق مکمل لاک ڈاؤن لگا دیا ہے اور شہید حسن خاں میواتی میڈیکل کالج کو کووڈ اسپتال میں تبدیل کردیا گیا۔ ضلع محکمہ صحت سے جاری اعداد و شمار کے مطابق اب 532 کورونا وائرس کے فعال معاملے ہیں جبکہ صحتیابی کی شرح 79 ہے۔
