وزیر ریلوے پیوش گوئل کی ریلوے بورڈ کے ساتھ میٹنگ میں مال بردرای کو بہتر بنانے کے ممکنہ راستوں پر تبادلہ خیال کیا گیا۔ اس میں مال برداری سے متعلق پالیسیوں کا بھی جائزہ لیا گیا۔
وزیر ریلوے پیوش گوئل نے بتایا کہ مال گاڑی کی آمدورفت بڑھانے کے اقدامات پر ریلوے بورڈ کے اراکین کے ساتھ بات چیت کی گئی تاکہ مقامی صنعتوں اور کاروبار کو مزید بہتر سروس فراہم کی جاسکے۔
خیال رہے کہ کووڈ۔19کی وجہ سے ملک گیر لاک ڈاون نافذ کیے جانے کے بعد سے ریلوے نے مال ڈھلائی پر پوری توجہ مرکوز کی ہے۔ مسافر سروس میں جہاں ریلوے کو نقصان ہوتا ہے وہیں مال ڈھلائی میں اسے منافع ہوتا ہے۔
